Exit Poll e para nxjerrin fitues partinë e Vuçiç.
Vuçiç fiton raundin e parë duke marrë 57% të votave.
Sipas Qendrës për zgjedhje të lira dhe demokraci (CESID), në Serbi kanë votuar 54.6 për qind, derisa në zgjedhjet e vitit 2020, deri në këtë orë kishin votuar 44.9 për qind e votuesve.
Në zgjedhjet e Serbisë të drejtë vote kanë pasur 6.5 milionë votues.
Vëzhguesit e zgjedhjeve në Serbi kanë raportuar parregullsi të shumta në disa qendra të votimit.
Misioni vëzhgues i organizatës joqeveritare CRTA ka dorëzuar në polici shtatë kallëzime penale për parregullsi.
Siç tha përfaqësuesi i kësaj organizate, këto parregullsi përfshinin blerjen e votave në qendrat e votimit, mbajtjen paralele të listave të votuesve, cenimin e fshehtësisë së votimit, si dhe praninë e personave të paautorizuar në vendvotime.
